ဗုဒ္ဓချွတ်ခဲ့တဲ့ ဖိနပ်

1. 
2. ( ၁ )

အဲဒီနေ့က မိုးမရွာပါ။ ကောင်းကင်၌ နေမင်းသည် တင်းတင်းရင်းရင်းပွင့်ဖူးနေပါသည်။

( ၂ )

အနုရာဓပုရမြို့ဟောင်းမှာ မဟာဗောဓိပင်ကို ကြည့်ရှုနေမိသည်။ လေအဝှေ့မှာ ညောင်ရွက်တို့ တဖျပ်ဖျပ်လွင့်လူးနေသည်။ ညောင်ရွက်တွေကြားမှာ နေရောင်က ဝင်းလိုက် လင်းလိုက်။ မဟာဗောဓိမှ အပြန်တွင် မဟာစေတီသို့ လှည့်ဝင်ဦးမည်ဟု တွေးရင်း နေပူကျဲကျဲတွင် လမ်းလျှောက်ကာ ဖိနပ်ချွတ်ခဲ့ရာ မုခ်ဦးသို့ ပြန်လာခဲ့သည်။ ဖိနပ်စီးနေရင်း မဟာဗောဓိပင်ဘက်သို့ ပြန်လည်လှည့်ကြည့်မိသည်။ ထိုစဉ် ဗောဓိပင်လှေကားမှာ အနောက်တိုင်းသား ရဟန်းတစ်ပါး ဆင်းလာသည်ကို အမှတ်မထင် တွေ့လိုက်မိသည်။

( ၃ )

ကိုယ့်အတွေးနဲ့ကိုယ် မဟာစေတီရှိရာသို့ တဖြေးဖြေးလျှောက်လာခဲ့သည်။ ဖြူဖြူဖွေးဖွေး မဟာစေတီနှင့် ကောင်းကင် ပြာလဲ့လဲ့။ စိတ်ထဲတွင်ကြည်လင်သွားသလို ခံစားမိသည်။ မဟာစေတီမုခ်ဦးမှာ ဖိနပ်ချွတ်ခဲ့ရင်း စေတီဝင်းထဲသို့ ဝင်လာခဲ့သည်။ မိမိနောက်မှ အနောက်တိုင်းသား ရဟန်းက “ ဘန္တေ ” ဟု လှမ်းခေါ်လိုက်သလို ကြားမိသည်။ လှည့်ကြည့်လိုက်တော့ သေချာပါသည်။ ထိုရဟန်းက မိမိကို ခေါ်နေပါသည်။ “ ဘန္တေ ” ဟု ပြန်ထူးရင်း အပြုံးနဲ့ လက်ဆွဲ နှုတ်ဆက်မိသည်။ သူက သူ့နာမည် “ အနတ္တ” ဖြစ်ကြောင်း၊ အမေရိကန် နိုင်ငံသားဖြစ်ကြောင်း မိတ်ဆက်သည်။ မိမိလည်း မိမိနာမည်ကို မိတ်ဆက်ပေးမိသည်။

အ၀င်ဝက အာရုံခံတန်ဆောင်း အပျက်တစ်ခုမှာထိုင်ရင်း မဟာစေတီအကြောင်းပြောနေမိသည်။ အမဲရောင်ဆင်တွေက အပြာရောင်ကောင်းကင်ထဲတွင် ဖြူဖွေးဖွေး မဟာစေတီကြီးကို ထမ်းထားသည့်ဟန် စိတ်ထဲတွင်ကြွတက်လာသည်။ စိန်ဖူးတော်ကို အာရုံစိုက်ကြည့်ရင်း စိတ်ထဲတွင် တည်ကြည်နေမိသည်။ ထို့နောက် အာရုံခံတန်ဆောင်းမှဆင်းကာ နှစ်ယောက်သား မဟာစေတီ ရင်ပြင်ဘက်သို့ ကူးလာကြသည်။ ဘုရားပေါ်တွင် လက်အုပ်ခြေအုပ်များချီ၍ ဂါထာမန္တာန်များ ရွတ်ဖတ်နေကြသောသူများကို တွေ့ကြရသည်။ မိမိသည် ထိုသူများကို ကြည့်လိုက် မဟာစေတီ ကိုကြည့်လိုက်နဲ့ အခေါက်ခေါက် အခါခါ ဖြစ်နေမိသည်။

( ၄ )

ဘိက္ခုအနတ္တ က မိမိကို လက်ဟန်ပြ၍ မဟာစေတီကြီး၏ မြောက်ဘက်သို့ ခြေဦးတည်သွားသည်။ မိမိလည်း သူ့နောက်သို့ တဖြေးဖြေးလိုက်လာခဲ့သည်။ မိမိ၏ နားထဲတွင် ရွတ်ဖတ်သံများ၊ မျက်စိထဲမှာ လှုပ်ရွနေသောနှုတ်ခမ်းများ ကြားလိုက်မြင်လိုက်နဲ့ ပလုံစီနေသည်။ သူက စေတီကြီး၏ ဖြူဖွေးဖွေး အဝန်းအဝိုင်းကြီးကို စိုက်ကြည့်နေသည်။ မိမိလည်း သူကြည့်ရာသို့ ရပ်၍ ကြည့်နေခဲ့သည်။ သူက စကားစတင်ဆိုသည်။ မိမိကား အပြာရောင်နောက်ခံထဲက ဖြူဖွေးဖွေး မဟာစေတီကြီးကို ငေးလျက် နားစွင့်နေသည်။

( ၅ )

“စေတီ” ဆိုတဲ့စကားဟာ “ ဂူသင်္ချိုင်း ” ဆိုပြီးတော့လည်း အနက်ထွက်သေးတယ်။ အနုရာဓပုရမှာ ရှိတဲ့ စေတီတွေဟာ ဂေါတမဗုဒ္ဓရဲ့ သွားတော် , ဆံတော် , ဓာတ်တော်တို့ အမြတ်တနိုးထားသိုရာ သင်္ချိုင်းများဖြစ်ကြောင်း၊ အီဂျစ်မှာရှိတဲ့ ပိရမစ်များဟာလည်း သင်္ချိုင်းတွေဖြစ်ကြောင်း သူပြောနေသည်။ သူက စကားပြောရင်း ကောင်းကင်မှာ တောင်ဘက်သို့ပျံသွားသော ငှက်တစ်အုပ်နှင့် မြောက်အရပ်သို့ ပြန်သွားသော ငှက်တစ်အုပ်ကို ကြည့်နေရင်း… ရည်ရွယ်ရာ ပန်းတိုင်ကတော့ မတူကြဘူးပေါ့ဟု စကားဆက်သည်။ အဲဒီ ပိရမစ်သင်္ချိုင်းကြီးတွေဟာ အီဂျစ်ဘုရင် ဖာရိုများ ( Pharaohs ) နဲ့ သူတို့ရဲ့ အဆောင်အယောင်ပစ္စည်းတွေ မြှုပ်နှံရာအဆောင်အအုံကြီးတွေ ဖြစ်ကြတယ်။ စေတီမှာ ထားသိုမြှုပ်နှံခြင်းနဲ့ ပိရမစ်မှာ ထားသို့မြှုပ်နှံခြင်းတို့ မတူပုံ၊ ထားသိုခြင်းရည်ရွယ်ချက်မတူပုံ၊ မြှုပ်နှံထားသိုရန် အဆောက်အအုံတည်ဆောက်ခြင်း ရည်ရွယ်ချက် မတူပုံတို့ကို ပြောဖြစ်ကြသေးသည်။ အနုရာဓပုရမြို့ရှိ စေတီတို့ နောက်ကွယ်မှ လူ့ဘဝ လူ့လောကအမြင်နဲ့ ပိရမစ်တို့နောက်ကွယ်မှ လူ့ဘဝ လူ့လောကအမြင်တွေကို ဆက်လက်ဆွေးနွေး နှိုင်းယှဉ်ဖြစ်ကြသည်။

“အီဂျစ်တို့၏ ပိရမစ်များနောက်ကွယ်၌ ‘လူသေလျှင် လူပြန် ဖြစ်သည်’ ဟု ယုံကြည်ချက် ရိကြကြောင်း၊ သေသူရဲ့ အလောင်းကောင်ဟာ ပျက်စီးပုပ်ဆွေးခြင်း မရှိစေရကြောင်း၊ မပျက်စီး အောင် မံမီ ( Mummy ) ပြုလုပ်ပြီး ဆေးစီရင်ကြကြောင်း၊ အရင်ဘဝဟောင်းက အဆောင်အယောင် တွေကို လူပြန်ဖြစ်တဲ့အခါ ပြန်လည်ရရှိဖို့အတွက် အလောင်းမြှုပ်နှံရာမှာ တစ်ပါတည်း ထည့်သွင်း လိုက်ကြကြောင်း” စသည့်အကြောင်းများစွာကို ပြောဆိုရင်း နှစ်ယောက်သား အသက်ကိုပြင်းပြင်း ရှူကာ စကားကိုခဏရပ်လိုက်ြကသည်။ အဲဒီနောက် မဟာ စေတီကြီးကို တစ်ချက်ကြည့်ရင်း သူက “ အနုရာဓပုရမှာရှိတဲ့ စေတီတွေရဲ့ နောက်ကွယ်မှာ အတ္တာဟိ အတ္တနော နာထော - ကိုယ့်ကိုယ်ကို ကိုးကွယ်ရာ ဝါဒရှိတယ်။ ဒီနေရာမှာ နာထော ဆိုတဲ့ပုဒ်က လူသားရဲ့ ကောင်းမြတ်တဲ့ စေတနာ၊ ဉာဏ်ပညာ၊ ဝိရိယစွမ်းအားတွေကို အားကိုးခြင်းကို ဆိုလိုကြောင်း” အခြားပညာရှင်တို့ အယူအဆကို ပြောပြခဲ့သေးသည်။ မိမိက “ဘ၀ထဲမှလွတ်မြောက်လိုမှုနဲ ဘ၀ထဲမှာ ရှင်သန်လိုမှု။ ဒီနှစ်ခုက ရည်ရွယ်ချက်တွေကို ခွဲခြားလိုက်တာပေ့ါ” ဟု စကားကလေးစပေးမိသည်။ “ဟုတ်တာပေါ့။ ဗုဒ္ဓဘာသာဝင်တွေဟာ ဘ၀လွတ်မြောက်မှုကို ပန်းတိုင်အဖြစ်ယူရမှာပေ့ါ။ ဖာရိုတွေရဲ့ အယူအဆ ကတော့ ၀ိဥာဉ်ပြန်ဝင်လာမယ့်အချိန်ကို စောင့်ရင်း ဘ၀အသစ်ကို မျှော်ကိုးတာပေါ့” ဟု သူက ရှင်းပြ သည်။

( ၆ )

စေတီပေါ်တွင် လှူဒါန်းထားသောကြာပန်းများကို လုစားနေတဲ့ မျောက်တစ်အုပ်ကိုကြည့်ရင်း လှည့်လည်ရွတ်ဖတ်နေသော လူအုပ်ကြီးကို တွေ့မိသည်။ ဘိက္ခုအနတ္တ က ရွတ်ဖတ်နေသူတွေရဲ့ နှုတ်ခမ်းဖျားတွေကိုကြည့်ရင်း ….. “ ဂေါတမ ဗုဒ္ဓဟာ ဘဝလွတ်မြောက်မှုအတွက် ရွတ်ဖတ်ခြင်းကို ပြုလုပ်ခဲ့သလား ” ကောက်ခါငင်ကာ မေးလိုက်သည်။ မိမိ မကြားသလို မိမိခြေဖျားတွေကို ငုံ့ကြည့်နေမိသည်။ အတွေးတွေက ကျမ်းစာအုပ်များကို လှန်လှောနေခဲ့သည်။ အဖြေပေးဖို့အတွက် သတိရတချက် မရတစ်ချက်။ သူက ဗုဒ္ဓဘာသာဝင်တွေဟာ ဘဝလွတ်မြောက်မှုအတွက် လမ်းစဉ်ကောင်းတစ်ခုကို ချဉ်းကပ်မိကြပါတယ်။ ဒါပေမယ့် လမ်းပေါ်မှာတင် ရပ်နေသလိုပဲဟု သူ ရေရွတ်နေသည်။

“ဗုဒ္ဓတရားတော်တွေဟာ ပါဠိ ၊ သက္ကတ ၊ တိဗက် ၊ တရုတ် ၊ သီဟိုဠ် ၊ ထိုင်း စသည်အားဖြင့် ဘာသာစကား အမျိုးမျိုးနဲ့ ရှိကြတယ်။ တချို့ ဗုဒ္ဓဘာသာဝင်တွေက ပြောဆိုကြတယ်။ ဒီလိုရွတ်ဖတ်ခြင်းဟာ ကုသိုလ်ဖြစ်တယ်။ စိတ်စွမ်းအားတွေကိုဖြစ်စေတယ်။ လာဘ်လာဘတွေ ပေါများစေတယ်တဲ့။ ဘဝလွတ်မြောက်မှုကိုချဉ်းကပ်ခဲ့တဲ့ ဗုဒ္ဓရဲ့ဖြစ်တည်မှုကို သတိမရခဲ့လေသလား”။ “မေးခွန်းက သူ့ကိုသူ မေးနေတာလား၊ မိမိကိုမေးနေတာလား” မဝေခွဲနိုင်ဖြစ်နေသည်။ နောက် သူက “တချို့လူတွေဟာ သူတို့ရွတ်နေတဲ့ ကျမ်းဂန်စားသားတွေရဲ့ အဓိပ္ပာယ်ကို နားမလည်ရင် နေပစေ၊ အဲဒီစာသားတွေကို ရွတ်နေရင် ကုသိုလ်ရမယ်လို့ ထင်မှတ်နေကြတယ်။ အဓိပ္ပာယ်မသိဘဲ ရွတ်ဖတ်နေတဲ့ ကျမ်းဂန်စာသားတွေထဲမှာ magical power တွေ ရှိနေမယ်လို့ သူတို့ ထင်ကြတယ်။ သူတို့ဘဝမှာ ကျင့်သုံးလက်ခံ လိုက်နာရမယ့် ဗုဒ္ဓရဲ့အကြံပြုချက်နဲ့ နည်းစနစ်တွေကို မကျင့်ဆောင်ကြပဲ ဘာဖြစ်လို့များရွတ်ဖတ်နေကြသလဲ။ လုပ်ငန်းစဉ်သဘောကို နားလည်ခြင်းနဲ့ လုပ်ငန်းခွင်မှာ တိတိကျကျလုပ်ဆောင်တတ်ဖို့က အဓိက မကျလို့လား”။ သူက မေးခွန်းတွေနဲ့ စကားတွေကို မရပ်မနားပြောနေသည်။ ပြီးတော့ သူက ဥပမာတစ်ခု ဆိုလေသည်။ “ကျုပ်တို့ နားမလည်နိုင်တဲ့ ဘာသာစကားနဲ့ ရေးထားတဲ့ `ဟင်းချက်နည်း´ လမ်းညွှန်စာအုပ်ထဲက စာသားတွေကို ပါတဲ့အတိုင်းရွတ်ဖတ်နေရုံနဲ့ ဟင်းကောင်းတစ်ခွက်ဟာ အလိုလို ဖြစ်မလာနိုင်သ လိုပေါ့၊ အဓိပ္ပာယ်ကို နားလည်တယ်ထားဦး ကိုယ်တိုင် ဟင်းချက်စရာတွေကို မပြင်မဆင် မချက်မပြုတ်ပဲနဲ့တော့ နားလည်မှုဟာ နားလည်မှု အဆင့်ပဲ ရှိနေမှာပဲ၊ ဟင်းကောင်းတစ်ခွက် ဖြစ်မလာနိုင်”ဟု သူက ဗုဒ္ဓရင်ဘတ်တွင် ပွင့်ဖူးခဲ့သော ကြာပွင့်ကို လက်ညှိုး ညွှန်ပြသလို ပြောဆိုနေသည်။ “အချို့လူတွေဟာ လောကကို မစွန့်ခွါနိုင်ကြသေးဘူးလေ။ သူတို့ဟာ လူ့ဘ၀မှာ ချမ်းချမ်းသာသာ နေလိုကြသေးတယ်။ ဗုဒ္ဓနှုတ်မြွက်တွေကို ရွတ်ဖတ်ခြင်းဖြင့် ကုသိုလ်ရှာကြ၊ ဘေးအန္တရာယ်ကင်းချင်ကြ၊ စီးပွါးလာဘ်လာဘတွေ ပေါများချင်ရှာမှာပေါ့”ဟု စိတ်ထဲက တွေးနေမိသော်လည်း ဖွင့်မပြောဖြစ်ခဲ့ပါ။

အဘိဓမ္မာကျမ်းစာတစ်ခုထဲက လင်းနို့သားငါးရာတို့လိုပေါ့။ အဘိဓမ္မာတရားတော်ကို အဓိပ္ပာယ်နားမလည်သော်လည်း အသံကြားရရုံမျဖြင့် သေလွန်တဲ့အခါ နတ်ပြည်ရောက်သွားကြပုံနှင့် ဘုရားရှင်၏ တရားစကားကို နားမလည်သော်လည်း နာယူနေသော ဖားလေးတစ်ကောင်သည် သေဆုံးသွားသောအခါ နတ်သားဖြစ်သွားပုံ စသည်အားဖြင့် အချို့  အယူအဆတွေ ရှိသေးကြောင်းကို သူ့ကို ပြောပြဖို့ အရှိန်ယူမိသေးသည်။ သို့သော်လည်း ရန်ဖြစ်နေတဲ့ မျောက်တွေရဲ့ အော်သံများကြောင့် နှစ်ယောက်သား လှည့်ကြည့်မိကြသည်။ မျောက်တွေ အဝေးကို ထွက်ခွါသွားကြသည်။ ပြောဖို့စကားလည်း မျောက်တွေနဲ့အတူ ပါသွားခဲ့သည် ဟု ထင်မိသည်။ မိမိကား အဝေးကို ထွက်သွားတဲ့မျောက်တွေကို ငေးနေစဉ် ……

သူက ခြေချောင်းတွေကိုငုံ့ကြည့်ရင်း “ဗုဒ္ဓဟာ ဓမ္မဖိနပ်ကိုစီးပြီး အခက်အခဲဆုံးလမ်းကို လျှောက်လှမ်းခဲ့ တယ်။ လမ်းဆုံးတော့ ဗုဒ္ဓဟာ အဲဒီဖိနပ်ကို သတ္တဝါတွေအားလုံးအတွက် ချွတ်ခဲ့တယ်။ တကယ်ဆိုရင် ကျုပ်တို့တစ်တွေဟာ ဗုဒ္ဓစီးခဲ့တဲ့ ဓမ္မဖိနပ်ကိုစီး၊ ဗုဒ္ဓလျှောက်ခဲ့တဲ့လမ်းကို လျှောက်၊ ဗုဒ္ဓရောက်ခဲ့ပြီးဖြစ်တဲ့ ပန်းတိုင်ကို အရောက်သွားရမှာ မဟုတ်ပေဘူးလား။ ဒါပေမယ့် တချို့လူတွေဟာ ဗုဒ္ဓစီးခဲ့တဲ့ ဖိနပ်၊ ဗုဒ္ဓလျှောက်ခဲ့တဲ့ လမ်း၊ ဗုဒ္ဓရောက်ခဲ့တဲ့ ပန်းတိုင်အကြောင်းရေးထားတဲ့ ကျမ်းဂန်တွေကို ရွတ်ဖတ်နေရုံ အဆင့်သာ ရှိကြပေတယ်။” သူ့ စကားသံတွေထဲမှာ ကရုဏာမိုးတွေ စွေနေသလိုရှိသည်။ “ဗုဒ္ဓဘာသာဝင်တွေဟာ ဒါနမှု၊ သီလမှုတွေကို ပြုရင်း ဗုဒ္ဓရဲ့ဖိနပ်ကိုတော့စီးမိကြပါတယ်။ ဗုဒ္ဓလျှောက်ခဲ့တဲ့လမ်းကို လျှောက်သူကတော့ နည်းပါးကောင်း နည်းပါးလိမ့်မယ်”ဟု စဉ်းစားပြီး ဘေးဘီကို ဝေ့ကြည့်လိုက်တော့……… ရွတ်ဖတ် နေသူတွေကတော့ ရွတ်ဖတ်နေကြဆဲ။ ဘာဝနာပွားနေသူများကလည်း ပွားနေကြဆဲ။ မရွတ်ဖတ်ဘဲ နားလည်အောင်လုပ်ပြီး လမ်းဆုံးအောင် လျှောက်သွားသူတွေလည်း ရှိနေပါလိမ့်ဦးမည်။ သူ့စကားတွေကို မှတ်သားရင်း သစ်ပင်ကိုင်းဖျားမှာ ငြိမ်သက်စွာအနားယူနေသော ငှက်အုပ်ကြီးကို သတိပြုမိသည်။

( ၇ )

နေစောင်းခဲ့ပြီ…။ သူက ကန္ဒီဘက်ကို ပြန်ရဦးမည်ဆိုကာ နှုတ်ဆက်ထွက်ခွါသွားသည်။ မိမိလည်း ကြာကန်ဘက်သို့ ထွက်လာခဲ့သည်။ ကန်ဘောင်လမ်းလေးပေါ်တွင် လမ်းလျှောက်ရင်း မိမိဖိနပ်နှင့် လမ်းကလေးအကြောင်း တွေးနေမိသည်။ ထိုညက အနုရာဓပုရ မြန်မာကျောင်းတွင် အတွေးများနှင့် ညဥ့်နက်ကာ မိုးလင်းခါနီးမှ အိပ်ပျော်သွားခဲ့သည်။ မနက် မိုးလင်းတော့ နေရောင်ခြည်က မိမိကို ပုတ်နှိုးလိုက်သည်။

ဇာဂရဗုဒ္ဓိ