ပိတောက်တွေတော့ ပွင့်ကြတာပဲ
ဒါပေမဲ့ ပိတောက်က ပိတောက်မမည်တော့ဘူး
ထနောင်းရိပ်မှာ ငါတို့
ကြီးပြင်းခဲ့ရတယ်
အဲဒီမှာ ရေအိုးစင်က
အုန်းမုတ်ခွက်ကလေးက
ကြိုးတန်းလန်းနဲ့ပေါ့
လူတွေလဲ ကြိုးတန်းလန်းနဲပါ
ဘ၀ဟာ
အဲဒီလောက်ကြီးတောင် လွတ်လပ်ခဲ့ပါတယ်
ဒီလိုနဲ့ နေ၀င်သွားတယ်
အိမ်ပြန်ချိန်မှာ
နွားစာရိတ် နွားစာစဉ်း
ရေခပ် ညစာစား အိပ်
ဒီလိုပါပဲ ဒီလောက်ပါပဲ
ပူလောင်ခြင်း နွေရိပ်ကို
ကျောခိုင်းဖို့ ကြိုးစားရင်း
လှောင်ချိုင့်ထဲ ရောက်ခဲ့ရ
အဲဒီလောက်ထိ လှပခဲ့ပါတယ်
ဒါကတော့ ကျွန်တော်နဲ့အတူ
ထနောင်းပင်အိုကြီးတွေ
နွေညကို ဖြတ်သန်းခြင်းပါပဲ။
D. ကောင်းကင်
နောက်ဆုံးရ မြန်မာသတင်းများ
4 years ago
0 comments:
Post a Comment